हेटौंडाः नेपाल क्रिकेट संघ (क्यान) ले आयोजना गरेको प्रधानमन्त्री कप राष्ट्रिय क्रिकेट प्रतियोगितामा बागमती प्रदेशका लागि मकवानपुरे खेलाडी रिजन ढकालले बलिङतर्फ उत्कृष्ट प्रदर्शन गरेका छन् । आइतबारबाट सुरु भएको प्रधानमन्त्री कप क्रिकेट प्रतियोगितामा बायाँहाते तीब्र गतिका बलर रिजन ढकालले उत्कृष्ट प्रदर्शनी गरेका हुन् ।
लुम्बिनी प्रदेशको तिलोतमामा भएको उद्घाटन खेलमा बागमती प्रदेश विभागीय टोली सशस्त्र प्रहरी बलको एपीएफसँगै १०० रनले पराजित भएको छ । टस जितेर फिल्डिङ्ग रोजेको बागमती प्रदेशका लागि मकवानपुरका रिजन ढकालले ५ विकेट लिएका छन् ।
बागमती तर्फबाट खेलेका ढकालले एपीएफविरुद्ध ८ ओभरमा ३० रन खर्चेर ५ विकेट लिन सफल भएका हुन् । मकवानपुरे ढकालले भुवन कार्की, सन्दीप जोरा, कमल गैरे, अभिषेक गौतम र अभिनाष बोहोरालाई ३० रन दिएर आउट गरेका हुन् ।
यस्तै, बागमतीका लागि नन्दन यादवले ३ विकेट लिँदा सूर्या तामाङले २ विकेट लिएका थिए । टस जितेर एपीएफको टिमबाट १ सय ७५ रनको लक्ष्य पाएको बागमतीको टिमले २८ ओभरमा ७४ रन बनाउँदै सबै विकेट गुमाउन पुगेको थियो । बागमतीका लागि शुंभ कंसाकारले २४ बलमा १६ रन बनाएका थिए । १६ रन बनाएका कंसाकारले एपीएफविरुद्ध २ वटा चौका प्रहार गरेका थिए ।
मकवानपुरकै रिजन ढकालले बिना आउट ५ बलमा ३ रन जोड्न सफल भएका थिए । बागमतीका लागि सन्दीप जहाराले सर्वाधिक ३७ रन बनाएका थिए । अमर रौटेलले २६ रन र दीपक बोहोराले २५ रन बनाएका थिए । म्यान अफ द म्याच एपीएफका कमल गैरे घोषित भएका छन् ।
