हेटौंडाः हराएको स्कुटर र व्याग फेला पारी मकवानपुर प्रहरीले सम्बन्धित धनिलाई बुझाएको छ ।
गत मंसिर २२ गते हेटौंडा–४ बाट हराएको बा ६६ प ५०३३ नम्बरको स्कुटर मंसिर २६ गते बेवारिसे अवस्थामा हेटौंडा–१७ बाट प्रहरीले बरामद गरेको थियो । मकवानपुर प्रहरीले शुक्रबार स्कुटर धनी चितवन जिल्लाको भरतपुर महानगरपालिका–११ का निर्मल सिंह ठकुरीलाई हस्तान्तरण गरेको छ ।
यस्तै शुक्रबार बिहान १० बजेको समयमा हेटौंडा–४ बाट हराएको व्याग पनि प्रहरीले फेला पारी सम्बन्धित व्यक्तिलाई बुझाएको छ । हेटौंडा–१० की निर्मला लामाको व्याग फेला पारी प्रहरीले फिर्ता गरिदिएको हो । निर्मलाको व्यागमा मोवाईल, नगद, एटिएम कार्ड र अन्य कागजात फेला पारी फिर्ता गरिएको मकवानपुर प्रहरीले जनाएको छ ।
