हेटौंडाः बागमती प्रदेशको राजधानी हेटौंडाबाट दैनिक प्रकाशित हुँदै आएको समृद्धि समाज राष्ट्रिय दैनिकको ११ औं र रेडियो निकास ९३.४ मेघाहर्जको ८ औं वार्षिकोत्सब आज सम्पन्न भएको छ ।
वार्षिकोत्सबको बागमती प्रदेशको आन्तरिक मामिला तथा कानुन मन्त्री कृष्ण खनालले उद्घाटन गर्नुभयो । कार्यक्रममा समृद समाज राष्ट्रिय दैनिकमा नियमित लेख लेख्दै आउनुभएका वंशगोपाल माविका प्रधानाध्यापक रमेश लामिछानेलाई मन्त्री खनालले कदरपत्र प्रदान गर्नुभएको थियो । यस्तै रेडियो निकासमा कार्यरत विकास लामालाई वर्ष उत्कृष्ट सहकर्मी–२०७८ बाट प्रशंसापत्र सहित सम्मानित गरिएको छ । वार्षिकोत्सबमा उपस्थित हुने २ सय बढीलाई समृद्ध समाज दैनिकले पुस्तक वितरण गरेको छ ।
कार्यक्रममा बागमती प्रदेश सदस्य मुनु सिग्देल, जिसस उपप्रमुख भगवती पूडासैनी, हेटौंडा उपमहागनरका मेयर हरिबोल महत, उपमेयर मिना लामा, इन्द्रसरोबर गाउँपालिका अध्यक्ष जीवन लामा लगायतको उपस्थिति रहेको थियो ।
