हेटौंडाः बागमती प्रदेशको मुख्यमन्त्री अष्टलक्ष्मी शाक्यले आज विश्वासको मत लिने या नलिने केहीबेरमा टुंगो लाग्ने भएको छ । केहीबेरमा बस्ने प्रदेश सभाको कार्यव्यवस्था परामर्श समितिको बैठकले आजै विश्वासको मत लिने या नलिने टुंगो लगाउने भएको हो ।
आज बिहान ११ बजे कार्यव्यवस्था परामर्श समितिको बैठक बस्ने तय भएपनि दलहरुको बैठकको कारण १ बजे बस्ने भएको थियो । दिउँसो ३ बजे प्रदेश सभा बैठक बस्दैछ ।
कार्यव्यवस्था परामर्श समितिले बैठकको कार्यसूचि तय गर्नेछ । मुख्यमन्त्री अष्टलक्ष्मी शाक्यले आज प्रदेश सभामा विश्वासको मत लिन प्रस्ताव टेबल गर्ने सरकारका प्रवक्ता एवं भौतिक पूर्वाधार विकास मन्त्री केशवराज पाण्डेले बताउनुभयो । त्यसपछि थप छलफल भने सभामुखले कार्यव्यस्था परामर्श समितिसँग लिएको परामर्श अनुसार नै अघि बढ्ने उहाँले बताउनुभयो ।
