हेटौंडाः नेपाल पत्रकार महासंघ केन्द्रीय समितिको बैठक बुधाबारबाट मकवानपुरको दामनमा सुरु भएको छ । पत्रकार महासंघको निर्वाचनपछि पहिलो पटक भौतिक उपस्थितिमा मकवानपुरको दामनमा केन्द्रिय समितिको बैठक बुधबार बसेको हो ।
भाद्र ९ र १० गते दामनमा बस्ने समितिको बैठले अगामी ३ वर्षको कार्यायोजना तयार पार्ने नेपाल पत्रकार महासंघका केन्द्रीय सदस्य सुनिल खड्काले जानकारी दिनुभयो । पत्रकार महासंघ मकवानपुर शाखाले केन्द्रिय टोलिलाई स्वागत गरेको थियो । नेपाल पत्रकार महासंघको केन्द्रिय समितिमा ५२ जना पदाधिकारी र ३ जना सल्लाहकार रहेका छन् ।
