हेटौंडाः पूर्व–पश्चिम राजमार्गअन्तर्गत मकवानपुरको मनहरी गाउँपालिका–१, खरङ्गामा मोटरसाइकल दुर्घटना हुँदा एकजनाको मृत्यु भएको छ । दुर्घटनामा परी मोटरसाइकल चालक अंशु कुमार सिंहको मृत्यु भएको जिल्ला प्रहरी कार्यालय मकवानपुरका प्रवक्ता देवेन्द्र दासले जानकारी दिनुभएको छ ।
महोत्तरी जिल्लाका मनरा गाउँपालिका–२ का सिंह मनहरीबाट हेटौंडा आउने क्रममा लु १५ प ४६४३ नम्बरको मोटरसाइकल अनियन्त्रित भई दुर्घटना भएको प्रहरीले जनाएको छ । सिंहको उपचारको क्रममा हेटौंडाको चुरेहिल हस्पिटलमा मृत्यु भएको प्रहरी प्रवक्ता दासले जानकरी दिनुभएको छ ।
