हेटौंडाः हेटौंडा उपमहानगरपालिका वडा नम्बर १३ को सामुदायिक सेवा केन्द्र (प्रहरी कार्यालय) भवनको उद्घाटन गरिएको छ । २ लाख २४ हजार रुपैयाँको लागतमा निर्माण भएको भवनको उद्घाटन गरिएको हो । भवन निर्माणका लागि हेटौंडा उपमहानगरपालिकाले एक लाख रुपैयाँ प्रदान गरेको थियो ।
कार्यक्रममा हेटौंडा उपमहानगरपालिका वडा नम्बर १३ का वडा अध्यक्ष मनोजकुमार वाइवाको प्रमुख आतिथ्यता तथा सामुदायिक सेवा केन्द्र मकवानपुरका अध्यक्ष राम बिष्टको विशेष आतिथ्यता रहेको थियो । वडा नम्बर १३ को सामुदायिक सेवा केन्द्रका अध्यक्ष विश्व आले मगरको सभाध्यक्षतामा कार्यक्रम भएको हो । कार्यक्रममा इलाका प्रहरी कार्यालय पशुपतिनगरका इन्चार्ज देवराज काफ्लेलगायतको उपस्थिति रहेको थियो भवन निर्माण समिति संयोजक अशोककुमार डिम्डुङले जानकारी दिनुभएको छ ।
