हेटौंडाः मकवानपुरगढी गाउँपालिकामा कार्यरत कृषि प्राविधिकहरुलाई क्षमता अभिवृद्धि तालिम बुधबारबाट सुरु गरिएको छ । समय सापेक्ष अनुसार क्षमता अभिवृद्धि गर्न तीनदिने तालिम सुरु गरिएको मकवानपुरगढी गाउँपालिका कृषि प्राविधिक चन्द्रकान्त चौधरीले जानकारी दिनुभएको छ । कृषि प्राविधिकहरुलाई क्षमता अभिवृद्धि तालिम मकवानपुरगढी गाउँपालिकाको आयोजनामा भएको हो ।
मकवानपुरगढी गाउँपालिका उपाध्यक्ष हर्कमाया रुम्बाले पहिलो दिन तालिमको उद्घाटन गर्नुभएको हो । सहजीकरण कार्यक्रममा कृषि प्रचार सेवा, रोग व्यवस्थापन, खाद्यान्न, फलफूल र तरकारी सेवा उपलब्ध सम्बन्धी सहजीकरण गर्ने उद्देश्यले कार्यक्रम गरिएको कृषि मकवानपुरगढी गाउँपालिका कृषि प्राविधिक चौधरीले जानकारी दिनुभएको हो । पहिलो दिन कृषि ज्ञान केन्द्र चितवनका बाली संरक्षण अधिकृत पूर्णिमा क्षेत्री र दोस्रो दिन मकवानपुरगढी गाउँपालिका कृषि प्राविधिक चन्द्रकान्त चौधरीले सहजीकरण गर्नुभएको छ । कृषकहरुको उचित सेवा सुविधालाई मध्यनजर गरेर गरिएको कार्यक्रममा अन्तिम दिन मकवानपुरगढी गाउँपालिकाकृषि प्राविधिक चौधरीले सहजीकरण गरेर समापन गरिने छ ।
