हेटौँडाः जेसीआई हेटौँडा लेडीको वर्ष २०२५ को अध्यक्षमा अस्मिता न्यौपाने सर्वसम्मत निर्वाचित हुनुभएको छ । बुधबार हेटौँडामा भएको निर्वाचनबाट न्यौपानेको अध्यक्षतामा सर्वसम्मत नयाँ समिति चयन भएको हो ।
जेसीजको कार्यकारिणी उपाध्यक्षमा पुजा बस्नेत र ईन्दु बानियाँ सर्वसम्मत चयन हुँदा उपाध्यक्षमा प्रतिमा बर्तौला, दिप्ति अधिकारी, आयुषा फुयाल र अस्मिता श्रेष्ठ सर्वसम्मत निर्वाचित हुनुभएको छ । नवनिर्वाचित समितिको पदस्थापन समारोह केही दिनभित्रै हुनेछ । जेसीआई हेटौँडा लेडीकी अध्यक्ष सजिता केसी, पूर्वअध्यक्ष रश्मि बस्नेत, सुशीला पौडेलको उपस्थितिमा निर्वाचन कार्यक्रम भएको हो ।
