हेटौँडाः सिन्धुली जिल्लाको मरिण गाउँपालिका–७, ठाँटीमा मोटरसाइकल आफैं अनियन्त्रित भई पल्टिँदा चालकको मृत्यु भएको छ । मृत्यु हुनेमा १८ वर्षीय सन्दिप स्याङ्तान रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार दिउँसो ३ बजेको समयमा मदन भण्डारी राजमार्गमा सिन्धुलीबाट छापतर्फ जाँदै गरेको बा ८६ प ६०३१ नम्बरको मोटरसाइकल आफैं अनियन्त्रित हुँदा स्याङ्तान घाइते भएका थिए । घाईते स्याङ्तानलाई उपचारका लागि प्राथमिक स्वास्थ्य केन्द्र कपिलाकोट लगिएकोमा दिउँसो ३ बजेको समयमा डाक्टरले मृत घोषणा गरेको प्रहरीले जानकारी दिएको छ ।
