हेटौँडाः बागमती प्रदेशको दुई जिल्लामा एकैदिन २ जना मृत फेला परेका छन् । प्रदेशको चितवन र सिन्धुली जिल्लामा एकैदिन २ जना मृत फेला परेको बागमती प्रदेश प्रहरी कार्यालय हेटौँडाले जानकारी दिएको छ । चितवनको माडी नगरपालिका–२, चिरौलीमा एक जना वृद्ध मृत फेला परेका छन् । मृत फेला पर्ने माडी नगरपालिका–४ का ८० वर्षीय देवबहादुर घर्ती रहेको प्रहरीले जनाएको छ ।
सोमबार भित्री गाउँ जाने कच्चिरोडको छेउमा वृद्ध बेवारिसे अवस्थामा मृत फेला परेका थिए । वृद्ध शनिबार बिहानबाट घर परिवारको सम्पर्कमा नरहेको प्रहरीले जनाएको छ । सिन्धुली जिल्लाको कमलामाई नगरपालिका–८, पुरानो करकरेमा एक जना पुरुष मृत फेला परेका छन् । मृत फेला पर्नेमा ३३ वर्षीय काजी विक रहेको प्रहरी जानकारी दिएको छ । सोमबार विक आफ्नै घरबाट ३ सय मिटर पर धान खेतमा मृत अवस्थामा फेला परेका थिए । विक बुधबारदेखि घरबाट हराएको भनी आफन्तहरुले जानकारी गराएको प्रहरीले जानाएको छ । शव मुचुल्का पश्चात पोष्टमार्टमका लागि जिल्ला अस्पताल सिन्धुली लगिएको छ ।
