हेटौँडाः मकवानपुर जिल्ला फुटबल संघको आयोजनामा जारी मकवानपुर जिल्ला लिग फुटबल प्रतियोगितामा न्यू डाँफे युवा क्लब समूह ‘ख’बाट तालिकाको शीर्ष स्थानमा रहेको छ । समूह चरणको ४ खेलहरुमा आफ्ना अपराजित यात्रालाई कामय राख्दै १२ अंक जोड्दै न्यू डाँफे क्लब हाफसम्म तालिकाको शीर्ष स्थानमा रहन सफल भएको हो ।
मंगलबार हेटौंडा–६ स्थित गौरीटार रंगशालामा भएको समूह चरणको चौथो खेलमा पिप्ले युवा क्लबलाई ३–२ गोल अन्तरले हराउँदै न्यू डाँफे तालिकको शीर्ष स्थानमा रहेको छ भने हटिया स्पोर्टस्लाई ४–० गोलको फराकिलो अन्तरले हराउँदै एफसी मल्टिभिजन समूह ‘ग’बाट ३ जीत दर्ता गर्दै ९ अंकसहित तालिकाको दोस्रो स्थानमा रहेको छ रु समूह ‘ग’बाट न्यू कम्रुाइन तालिकाको शीर्ष स्थानमा रहेको छ ।
न्यू डाँफेबाट सुवेश लोप्चनले पहिलो हाफको ८ मिनेटमा र किसन मगरले ४५ औं मिनेटमा समान एक–एक गोल गरेका छन् । राजेशले खेलको दोस्रो हाफको २५ मिनेटमा एक गोल गरेका छन् । पिप्ले युवाबाट दोस्रो हाफको ८ मिनेटमा प्रविन श्रेष्ठ र सम्पूर्ण नगरकोटीेले समान एक–एक गोल गरेका छन् । मल्टिभिजनबाट जेनिश थपलियाले ह्याट्रिक गरेका छन् भने सुजन लो लामाले एक गोल गरेका छन् ।
यस्तै, हेटौंडा–११ स्थित सिमलटार मैदानमा भएको खेलमा सानो पोखरालाई १–० गोलले हराउँदै न्यू कम्बाइन विजयी भएको छ भने ७ नम्बर फुटबल क्लबलाई १–० गोल अन्तरले हराउँदै एफसी नामटार विजयी भएको छ । कम्बाइनको जीतमा निशान न्यासुरले र एफसी नामटारको जीतमा सविन गोलेले निर्णायक गोल गरेका हुन् । खेलको म्यान अफ द म्याच डाँफेका किसन थापा मगर, एफसी नामटारका सविन गोले र कम्बाइनका सुरज गोले घोषित भएका छन् ।
प्रतियोगितामा २८ क्लबहरुको सहभागिता रहेको छ । प्रतियोगिताको फाइनल खेल असोज ९ गते हुनेछ । लिगको उपाधि विजेता टिमले एक लाख रुपैयाँसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछ । लिगको उपाधि विजेता टिमले टिमले प्रदेशस्तरीय लिगमा सहभागी हुन पाउनेछ ।
