हेटौँडाः सिन्धुली जिल्लाको कमलामाई नगरपालिका–१०, माथिल्लो भडारमा माछा मार्ने क्रममा करेन्ट लागेर एक जना पुरुषको मृत्यु भएको छ । मृत्यु हुनेमा ४२ वर्षीय लाल बहादुर विक रहेको बागमती प्रदेश प्रहरी कार्यालय हेटौँडाले जानकारी दिएको छ ।
विक मंगलबार दिउँसो १२ बजेर ४५ मिनेटको समयमा आफ्नै घरबाट २ सय मिटर पर रहेको कमला खोलामा घरबाट विजुली जडान गरी करेन्ट लगाई माछा मार्ने क्रममा करेन्ट लागि लडिरहेको अवस्थामा फेला परेका थिए । विकलाई उपचारका लागि जनसेवा अस्पताल बर्दीबास महोत्तरीमा लगिएकोमा उपचारको क्रममा सोहिदिन दिउँसो २ बजेको समयमा डाक्टरले मृत घोषणा गरेको प्रहरीले जानकारी दिएको छ ।
