हेटौंडाः श्रीकृष्ण प्रणामी युवा परिषद् नेपाल जिल्ला कार्यसमिति मकवानपुरको आयोजनामा भएको अन्तरविद्यालय हाजिरीजवाफ प्रतियोगितामा हेटौंडा–४ को आधुनिक राष्ट्रिय माध्यमिक विद्यालय प्रथम भएको छ । बुधबार हेटौंडा उपमहानगरपालिका–४ स्थित कृष्ण प्रणामी मन्दिर, अक्षरातितधाममा भएको माविस्तरीय हाजिरीफवाफ प्रतियोगितामा आधुनिक मावि प्रथम भएको हो ।
प्रतियोगितामा सहभागी १३ वटा विद्यालयमध्ये हेटौंडा–४ स्थित ब्रह्मदिक एकेडेमी द्वितीय र हेटौंडा–७ स्थित तासिर इङ्गलिस बोर्डिङ स्कूल तृतीय भएको परिषद्का जिल्ला उपाध्यक्ष नवराज ढकालले जानकारी दिनुभयो । प्रथम हुने आधुनिकको समूहमा पियुष शाह, विशाल पटेल र उत्कृष्टी सिम्खडा हुनुहुन्थ्यो । द्वितीय हुने ब्रह्मदिकको समूहमा सुबोध आचार्य, आभाष घिमिरे र कृष्मा लौडारी हुनुहुन्थ्यो । यस्तै, तृतीय हुने तासिरको समूहमा रुही अधिकारी, कुशल गौतम र साहस चौलागाई हुनुहुन्थ्यो ।
परिषद्ले प्रथम, द्वितीय र तृतीय हुने समूहलाई मेडल, प्रमाणपत्र र शैक्षिक साम्रगी प्रदान गरेको थियो । कार्यक्रममा जिल्ला समन्वय समिति मकवानपुरका प्रमुख ललित घलानको प्रमुख आतिथ्य रहेको थियो भने परिषद्का जिल्ला अध्यक्ष सुजन तिमल्सिनाको सभाध्यक्षता रहेको थियो ।
कार्यक्रममा परिषद्ले माध्यमिक शिक्षा परीक्षा (एसईई)–२०८० मा राम्रो नतिजा ल्याएका दुईजना विद्यार्थीलाई सम्मान गरेको छ । परिषद्ले छात्रातर्पm प्रकृति तिमल्सिना र छात्रतर्पm विराज तिमल्सिनालाई प्रमाणपत्रसहित सम्मान गरेको ढकालले बताउनुभयो । यस्तै, परिषद्ले प्रणामी सम्प्रदायमा रहेर धर्म संरक्षण एवम् प्रवद्र्धनमा योगदान दिएका कविराज ढकाल र पतञ्जलि योग समिति मकवानपुरका अध्यक्ष रामकृष्ण थापालाई सम्मान गरेको ढकालले बताउनुभएको छ ।
