हेटौंडाः मकवानपुरको इन्द्रसरोबर गाउँपालिका–२, राङ्चेमा ६५ वर्षीय बुद्ध गोलेले गरेको खुकुरी प्रहारबाट एक जना घाइते भएका छन् । घाइते हुनेमा २८ वर्षीय इन्द्रमान गोले रहेको बागमती प्रदेश प्रहरी कार्यालय हेटौंडाले जानकारी दिएको छ ।
सोमबार बेलुका ११ बजेर २० मिनेटको समयमा इन्द्रमान खुकुरी प्रहार गरी घाइते भएका थिए । घाइते इन्द्रमानलाई उपचारका लागि प्राथमिक स्वास्थ्य केन्द्रमा लगिएकोमा सामान्य उपचारपश्चात् थप उपचारका लागि हेटौंडा ल्याइएको छ । घाइतेको अवस्था मध्यम रहेको प्रहरीले जानकारी दिएको छ । खुकुरी प्रहार गर्ने बुद्ध गोलेलाई प्रहरीले खुकुरीसहित नियन्त्रणमा लिएको छ ।
