हेटौंडाः प्रजातान्त्रिक विचार समाज जिल्ला कार्यसमिति मकवानपुरले प्रजातान्त्रिक सेनानीहरुलाई सम्मान गरेको छ । प्रजातान्त्रिक विचार समाजले स्मारिका विमोचन तथा सम्मान कार्यक्रमको आयोजना गर्दै प्रजातान्त्रिक सेनानीहरुलाई सम्मान गरेको हो ।
बिहीबार भएको कार्यक्रममा अशोक श्रेष्ठ, यादवराज पराजुली, परमेश्वर भ्लोन, हरिनन्द खरेल र ईश्वरचन्द्र अग्रवाललाई टीका, खादा र प्रमाणपत्रका साथ सम्मान गरिएको हो । कार्यक्रममा नेपाल कांग्रेस केन्द्रीय समितिका उपसभापति धनराज गुरुङको प्रमुख आतिथ्य र प्रजातान्त्रिक विचार समाज, मकवानपुरका अध्यक्ष डा. देवचन्द्र मानन्धरको सभाध्यक्षता रहेको थियो ।
कार्यक्रममा प्रजातान्त्रिक विचार समाजले पहिलो स्मारिका विमोचनसमेत गरेको छ । एक सय ३० पेजको प्रजातान्त्रिक दर्पण स्मारिकाको विमोचन प्रमुख अतिथि, विशिष्ट अतिथि र सभाध्यक्षले गर्नु भएको हो । कार्यक्रममा अध्यक्षले डा. मानन्धरले कार्यक्रमको उद्देश्य र महत्वको बारेमा प्रष्ट पार्नुभएको थियो ।
