हेटौँडाः मकवानपुर प्रहरीले हेटौँडा–१५, चुरियामाईबाट लागुऔषधसहित ३ जनालाई पक्राउ गरेको छ । पक्राउ पर्नेमा पर्सा जिल्ला बीरगंज महानगरपालिका–१६ ईनर्वाका २१ वर्षीय तवरेज आलम, १८ वर्षीय रवि दास र २२ वर्षीय रुस्तम अन्सारी रहेको बागमती प्रदेश प्रहरी कार्यालय हेटौँडाले जानकारी दिएको छ ।
बिहीबार बिहान ११ बजेर ५० मिनेटको समयमा पिपलबोट चेक पोइन्टस्थित पुर्व–पश्चिम सडक खण्डमा चेकिङ टोलीले बीरगंजबाट हेटौँडातर्फ आउदै गरेको बा ३ ख ४२ नम्बरको माईक्रोलाई सुरक्षा जाँच गर्दा माईक्रोमा सवार उनिहरुको साथबाट लागुऔषध बरामद गरेको थियो । प्रहरीले उनिहरुको साथबाट लागुऔषध फेनारगन १ सय पिस, डाईजेपाम १ सय पिस र नुर्फिन १ सय पिस फेला पारेको थियो । ३ नै जनालाई नियन्त्रणमा लिई अनुसन्धानको लागि जिल्ला प्रहरी कार्यालय मकवानपुर लगिएको र माईक्रोलाई गन्तब्य तर्फ पठाएको प्रहरीले जनाकारी दिएको छ ।
