हेटौँडाः मकवानपुर उद्योग वाणिज्य संघले शनिबार पनि पसल, व्यवसाय सुचारु गर्न अनुरोध गरेको छ । उपभोक्ताको सहजताका लागि, बजारमा देखिएको कारोबारको सिथिलतालाई मध्यनजर गर्दै शनिबार पनि व्यवसाय सुचारु गर्न संघले आग्रह गरेको छ ।
शुक्रबार एक विज्ञप्ति जारी गर्दै संघले पसल खुला राख्न आग्रह गरेको हो । उद्योगी, व्यवसायीहरुबाटै शनिबार पनि पसल व्यवसाय खोल्न पाउनुपर्ने अनुरोध गर्दै आएको सन्दर्भमा केही वर्षअघि नै शनिबार पनि बजार खुला राख्ने निर्णय भएको संघले जनाएको छ । संघको आव्हानसँगै आज शनिबार हेटौँडा बजारमा पसल तथा व्यवसाय सुचारु गर्ने क्रम बढेको छ । अघिल्लो शनिबारको तुलना आज हेटौँडा बजारका पसल तथा व्यवसाय खुल्ने क्रम बढी देखिएको छ ।
