हेटौँडाः ४ नम्बर वडास्तरीय शिक्षक ५ ए साइड फुटबल प्रतियोगिताको फाइनलमा नवोदय शिशु सदन मावि र ब्रह्मदिक् एकेडेमी पुगेको छ । भुटनदेवी माविको खेल मैदानमा जारी प्रतियोगिताअन्तर्गत सोमबार भएको सेमीफाइनल खेलमा श्रमिक माविलाई २–० गोलअन्तरले पराजित गर्दै ब्रह्मदिक् एकेडेमी फाइनलमा प्रवेश गरेको हो भने आमसाई स्कूललाई टाइब्रेकरमा पराजित गर्दै नवोदय फाइनलमा प्रवेश गरेको हो ।
फाइनल खेल आज मंगलबार हुनेछ । प्रतियोगितामा प्रथम र द्वितीय हुने टोलीलाई शिल्ड, मेडल र प्रमाणपत्र प्रदान गरिने छ । हेटौँडा उपमहानगरपालिका ४ नम्बर वडाको आयोजना, शैक्षिक गुणस्तर सुधार समितिको व्यवस्थापन तथा ब्रह्मदिक् एकेडेमीको सह–व्यवस्थापनमा फुटबल प्रतियोगिता भइरहेको छ ।
