हेटौँडाः हेटौँडा–४, हुप्रचौरमा पुरानो रिसईवीको कारण कुटपिट गर्ने ३ जनालाई प्रहरीले पक्राउ गरेको छ । आइतबार दिउँसो २ बजेको समयमा बारा जिल्ला औरहिया गाउँपालिका–५ घर भई हाल हेटौँडा–२, बनस्खण्डीमा डेरा गरी बस्ने १९ वर्षीय मिथलेश शर्मालाई कुटपिट भएको बागमती प्रदेश प्रहरी कार्यालय हेटौँडाले जानकारी दिएको छ ।
शर्मालाई पुरानो रिसईवीको कारण रौतहट जिल्लाको दुर्गा भगवती गाउँपालिका–४ घर भई हाल हेटौँडा–५ बिएसचोकमा डेरा गरी बस्ने १९ वर्षीय अंकित कुमार मिश्र, १८ वर्षीय निरन्जन चौरसिया र १८ वर्षीय नवीन गुप्ताले शर्मालाई कुटपिट गरी घाईते बनाएका थिए । घाइते शर्माको हेटौँडा अस्पतालमा उपचार भइरहेको प्रहरीले जानकारी दिएको छ ।
