हेटौँडाः मकवानपुरको भीमफेदी गाउँपालिका–१, सानुटारस्थित राष्ट्रिय माध्यमिक विद्यालयको ४२ औं अभिभावक भेला शुक्रबार सम्पन्न भएको छ । भीमफेदी गाउँपालिका अध्यक्ष हिदम लामा प्रमुख आतिथ्य तथा विद्यालय व्यवस्थापन समितिका अध्यक्ष रामेश्वर थिङको सभाध्यक्ष कार्यक्रम सम्पन्न भएको विद्यालका शिक्षक राधा सिन्तानले जानकारी दिनुभयो ।
भेलालाई सम्बोधन गर्दै विद्यालयका प्रधानाध्यापक मान बहादुर घलानले विद्यालयको प्रगति, आर्थिक, भौतिक विवरण प्रस्तुत गर्नुभएको थियो । विशिष्ट अतिथिको भीमफेदी गाउँपालिका–१ का वडा अध्यक्ष सोम बहादुर स्याङ्तान, स्थानीय संघ संस्थाका प्रतिनिधिहरु, विद्यालय व्यवस्थापन समिति शिक्षक, अभिभावक संघका पदाधिकारीहरुको उपस्थिति रहेको शिक्षक सिन्तानले जानकारी दिनुभयो । भेला शिक्षक, कर्मचारी र विद्यार्थीको सहकार्यमा भएको थियो । विद्यालयमा हाल २ सय ९२ जना विद्यार्थी अध्ययनरत छन् ।
