हेटौँडाः मकवानपुर जिल्लाको मकवानपुरगढी गाउँपालिका–३, देवीडाँडास्थित सरस्वती आधारभूत विद्यालयका ७० जना विद्यार्थीलाई न्यानो कपडा वितरण गरिएको छ । यस्तै शिक्षकलाई डायरी र पेन हस्तान्तरण गरिएको छ ।
हेटौँडा बजार लायन्स क्लबको अग्रसरता, क्लबका अध्यक्ष रोशन खनालको प्रायोजनमा सोमबार न्यानो कपडा वितरण गरिएको हो । वडाअध्यक्ष भागवत घिमिरेले सहयोगका लागि आग्रह गर्नुभएपछि लायन्स क्लबले सहयोगका लागि आवश्यक पहल गरेको हो । क्लबका अध्यक्ष खनालसहित पूर्वअध्यक्षहरु, क्लबका पदाधिकारी तथा सदस्यहरुको उपस्थितिमा न्यानोकपडा वितरण गरिएको छ ।
