हेटौंडाः मकवानपुर प्रहरीले लागुऔषध खैरो हिरोइनसहित एकजनालाई पक्राउ गरेको छ । पक्राउ पर्नेमा काठमाडौंको बागेस्वरी नगरपालिका–७, थलीका २१ वर्षीय उमेश परियार रहेको जिल्ला प्रहरी कार्यालय मकवानपुरले जानकारी दिएको छ ।
आइतबार दिउँसो पूर्व–पश्चिम राजमार्गअन्तर्गत हेटौँडा–१५, रातोमाटे पिपल चौताराबाट खटिएको सुरक्षाजाँच टोलीले बीरगन्जबाट हेटौँडातर्फ आउँदै गरेको ना १ ज ६१५५ नम्बरको सुमोमा सवार परियारलाई प्रहरीले पक्राउ गरेको हो । गाडीमा सवार परियारको साथबाट प्रहरीले लागुऔषध खैरो हिरोईन २५ ग्राम र एक सय मिलिग्राम फेला परेको हो । लागुऔषध खैरो हिरोइनसहित परियारलाई नियन्त्रणमा लिई अनुसन्धान कार्य भइरहेको प्रहरीले जनाएको छ ।
