हेटौंडाः हेटौंडा–१२, घरेटीडाँडामा भीरबाट लडेर एकजनाको मृत्यु भएको छ । मृत्यु हुनेमा हेटौंडा–१२, पदमपोखरीका ५५ कृष्ण बहादुर थापा मगर रहेको जिल्ला प्रहरी कार्यालय हेटौंडाले जानकारी दिएको छ ।
मगर आइतबार रातिदेखि हराएकोमा खोजी गर्दै जाँदा मंगलबार बिहान ८ बजेर ३० मिनेटको समयमा घरेटीडाँडाको भीरबाट २ सय मिटर तल लडी मृत अवस्थामा फेला परेका थिए । मुचुल्का पश्चात शव पोष्टमार्टमका लागि हेटौँडा अस्पताल लगिएको प्रहरीले जानकारी दिएको छ ।
