हेटौँडाः रामेछाप–काभ्रे मैत्री समाजको आयोजनामा आइतबार हेटौँडामा कवि शिरोमणि लेखनाथ पौडेलको १३९ औं जन्मजयन्ती मनाइएको छ । रामेछाप–काभ्रे मैत्री समाजका अध्यक्ष मानबहादुर लामाको अध्यक्षतामा कार्यक्रम भएको हो । कार्यक्रममा साहित्य संगम मकवानपुरका अध्यक्ष डीबी बर्तौला, सचिव मनोज पोखरेलको पनि आतिथ्य रहेको थियो ।
कार्यक्रममा कवि शिरोमणि लेखनाथ पौडेलको जीवनको गतिविधि र योगदानबारे साहित्य संगम मकवानपुरका सचिव मनोज पोखरेलले चर्चा गर्नु भएको थियो । संगमका अध्यक्ष डीबी बर्तौलाले लेखनाथजस्ता साहित्यका विशिष्ट व्यक्तित्वलाई संस्थाले सम्झेकोमा धन्यवादसहित आगामी दिनमा सहकार्यमा कार्यक्रम गर्न सकिने बताउनु भयो ।
साहित्यमार्फत देशलाई उल्लेखनीय योगदान पु¥याउनुभएका साहित्यकार लेखनाथ पौडेल, भानुभक्त आचार्य, मोतिराम भट्ट लगायतका व्यक्तित्वको जन्मजयन्ती मनाउने उद्देश्यले कवि शिरोमणि लेखनाथ पौडेलको जन्मजयन्ती मनाइएको रामेछाप–काभ्रे मैत्री समाजका अध्यक्ष मानबहादुर लामाले बताउनुभएको छ ।
