हेटौँडाः बिहिबार साँझ मकवानपुरको बागमती गाउँपालिका–८, साततलेमा मोटरसाइकल दुर्घटना हुँदा एकजनाको मृत्यु भएको छ । बिहिबार साँझ हेटौँडा–सिन्धुली सडकखण्डको साततलेमा बागमती प्रदेश ०३–००२ प ३२६५ नम्बरको मोटरसाइकल आफैं अनियन्त्रित भई दुर्घटना भएको थियो ।
दुर्घटनामा परी साततलेकै ४२ वर्षीय अमर पाख्रिनको मृत्यु भएको प्रहरीले जनाएको छ । दुर्घटनामा परी गम्भीर घाईते भएका पाख्रिनलाई उपचारका लागि बिहिबार साँझ ६ बजेर ४५ मिनेटमा हेटौँडा अस्पताल पुर्याइएको थियो । पाख्रिनको उपचारको क्रममा बिहिबार साँझ ६ बजेर ५५ मिनेटको समयमा डाक्टरले मृत घोषित गरेको प्रहरीले जनाएको छ ।
