हेटौँडाः हेटौँडामा जारी सुदर्शन घिमिरे स्मृति यु–२१ हेटौँडा च्यालेन्ज कप फुटबल प्रतियोगिता अन्तर्गत बिहिबार भएको पहिलो खेलमा रियल स्टार क्लब विजयी भएको छ । हेटौँडा स्पोर्टस एफसी मुण्डियाल क्लबको आयोजनामा हेटौंडा–५, स्थित पिप्ले क्याम्पा रंगशालामा भएको खेलमा रियल स्टार क्लबले कमाने फुटबल एकेडेमीलाई टाइबेकरमा ३–२ गोलअन्तरले पाराजित गरेको हो ।
निर्धारित समयमा १–१ गोलको बराबरीमा खेल सकिए पछि खेल टाइबेकरमा धकेलीएको थियो । रियल स्टारको तर्फबाट पहिलो हाफको १३ मिनेटमा साजन थिङले १ गोल गरेका थिए । कामाने एकेडेमीबाट दोस्रो हाफको ५४ मिनेटमा पेनाल्टी सुट आउटको सुनौलो अवसर पाएर समन लामाले १ फर्काएका थिए । खेलको म्यान अफ द म्याच रियल स्टारका गोल रक्षक आयुष गोले घोषित भएका छन ।
प्रतियोगितामा १४ वटा टिमहरुको सहभागिता रहेको छ । प्रतियोगिताको विजेताले एक लाख ११ हजार एक सय ११ रुपैयाँ तथा उपविजेता टिमले नगद ५५ हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले नगद १५ हजार रुपैयाँ प्राप्त गर्नेछ । प्रतियोगिताको फाइनल खेल मंसिर १३ गते हुनेछ ।
