हेटौँडाः हेटौँडा–६, चौघडास्थित दुइवटा सहकारीमा चोरी भएको छ । हेटौँडा–६, चौघडास्थित चौघडा बचत तथा ऋण सहकारी संस्था लिमिटेड र जनकल्याण बचत तथा ऋण सहकारी संस्था लिमिटेडमा चोरी भएको छ । बुधबार राती अपरिचित व्यक्तिको एक समूहले राती सहकारीमा प्रवेश गरी चोरी गर्नुका साथै तोडफोड गरेका छन् ।
चौघडा बचत तथा ऋण सहकारीबाट नगद चोरी नभए पनि चोरी गर्न पुगेका समूहले सहकारीको भौतिक संरचनामा क्षति पुर्याएको छ । यस्तै जनकल्याण बचत तथा ऋण सहकारीबाट भने ५० हजार रुपैयाँ नगद चोरी भएको छ । चोरीको घटनामा संलग्नलाई खोजी गरी कारवाही गर्न, गराउन प्रहरीलाई जानकारी गराइएको सहकारीले जनाएको छ । चाडपर्व नजिकिएसँगै हेटौँडामा चोरीका घटना बढेको छ ।
