हेटौंडाः गजल मञ्च मकवानपुरको आयोजनामा २०६ औं नियमित गजलयात्रा सम्पन्न भएको छ । कार्यक्रम गजल मञ्च मकवानपुरका अध्यक्ष केशव समर्पणको अध्यक्षता तथा सर्जक सञ्जाल मकवानपुर संयोजक निमेष निखिलको प्रमुख आतिथ्यमा भएको हो ।
आगामी दिनमा यस्ता कार्यक्रमहरु विद्यालय केद्रित र विभिन्न साहित्यिक दिवसका अवसरमा पनि गर्ने अध्यक्ष समर्पणले बताउनुभयो । कार्यक्रममा स्वस्तिका बानियाँ, स्वस्तिका दाहाल, अनिल कोइराला, सुवास सजल, मिथिला अधिकारी, सागर तिमिल्सिनालगायतले गजल वाचन गर्नुभएको थियो ।
कार्यक्रममा साहित्य संगम मकवानपुर र मुक्तक मञ्चका अध्यक्ष डीबी बर्तौला, गजल मञ्च मकवानपुरका पूर्वअध्यक्ष देवराज तिवारी, नेपाली लेखक संघ मकवानपुरका अध्यक्ष छवि अनित्य, गजल मञ्चका पूर्वउपाध्यक्ष चिरञ्जीवी लामिछाने, साहित्य संगम मकवानपुरका सचिव मनोज पोखरेललगायतको उपस्थिति रहेको थियो ।
