हेटौँडाः मकवानपुर जिल्लाको भीमफेदी गाउँपालिका–२, भैँसे बजारमा पहिरोले दुईवटा घर पुरिएको छ । शनिबार दिउँसो १ बजेर १५ मिनेटको समयमा त्रिभुवन राजपथभन्दा माथिबाट पहिरो खस्दा दुईवटा घर बगाएको मकवानपुर प्रहरीले जनाएको छ ।
पहिरोले रामकृष्ण देउलाको ब्लकले बनाएको टिनको छानो भएको २ वटा कच्ची घर बगाए पनि मानवीय क्षति भने नभएको मकवानपुरका प्रहरी प्रवक्ता प्रहरी नायव उपरीक्षक टेकबहादुर कार्कीले जानकारी दिनुभएको छ । सोही पहिरोका कारण त्रिभुवन राजपथको भैँसे–पालुङ सडक खण्ड अवरुद्ध भएको छ ।
