हेटौंडाः हेटौंडा–१४, मयूरधापको कालापानी मैदानमा जारी प्रथम समाज कल्याण कप फुटबल प्रतियोगितामा आयोजक क्लब समाज कल्याण ‘ए’ सेमिफाइनलमा प्रवेश गरेको छ ।
आइतबार भएकोे क्वाटरफाइनल खेलमा समाज कल्याण ‘ए’ ले नमोबुद्ध एफसीलाई ट्राइबे्रकरमा ३–२ गोलले पाराजित गर्दै सेमिफाइनलमा प्रवेश गरेको हो ।
निर्धारित समयको खेलमा समाज कल्याण ‘ए’ का अनुप मगर र नमोबुद्धका मिलन अर्यालले एक–एक गोल गरेका थिए । खेलमा समाज कल्याणका गोलरक्षक गोपी बर्तौला म्यान अफ द म्याच भए ।
आइतबारै भएको खेलमा नागस्वती युथ क्लब क्वाटरफाइनल प्रवेश गरेको छ । नागस्वतीले समाज कल्याण ‘बी’लाई ३–० गोलले पराजित गर्दै क्वाटरफाइनलमा प्रवेश गरेको हो । खेलमा नागस्वतीका सागर लामा म्यान अफ द म्याच भए ।
आज सोमबार दुईवटा क्वाटरफाइनल खेल हुनेछ । पहिलो खेल सप्तरंगी एफसी र सगरमाथा युथ क्लबबीच हुनेछ भने दोस्रो खेल फरेष्ट्री युथ क्लब र नागस्वती युथ क्लबबीच हुनेछ ।
