हेटौँडाः हेटौँडा उपमहानगरपलिकामा २३ जना नगर प्रहरी कार्यरत छन् । नगर प्रहरीमा ३ जना महिला र २० जना पुरुष रहेका छन् । नगर प्रहरी निरीक्षक, हवलदार र जवान दर्जाका नगर प्रहरीहरु रहेको नगर प्रहरी प्रमुख नेत्रप्रसाद ढकालले जानकारी दिनुभयो ।
उपमहानगरपालिकाको नगर प्रहरी निरीक्षकमा १ जना, नगर प्रहरी हवलदारमा ४ जना र नगर प्रहरी जवानमा १८ जना रहेको उहाँले बताउनु भयो । नगर प्रहरीले हेटौँडा उपमहानगरपालिकाको अव्यवस्थित बजार व्यवस्थापन गर्ने, फुटपात हटाउने, मापदण्ड विपरित घरहरु बनाउने काम रोक्ने जस्ता काम गर्दै आएको नगर प्रहरी प्रमुख ढकालले बताउनुभयो । यस्तै जग्गाको किचलो गरेर कानुन बिपरीत अरुको जग्गामा घर बनाउने काम रोक्दै आएको नगर प्रहरी प्रमुख नेत्र प्रसाद ढकालले बताउनु भयो ।
सडक डिभाईडर र सडकपेटिमा लगाइएका फलफुल तथा फुलका बिरुवाको सुरक्षा गर्ने र हेटौँडा उपमहानगरपालिका भित्र कानुनी मापदण्ड विपरित भएको कामहरु रोक्ने गरेको उहाँले बताउनु भयो । उपमहानगरपालिकाको निर्देशन अनुसार नगर प्रहरीहरुलाई काममा खटाएर उनिहरुले गरेको कामको हेरविचार गर्नु पर्ने प्रहरी प्रमुख ढकालले बताउनु भयो ।
