हेटौडाः हेटौंडा–२ स्थित मकवानपुर बहुमुखी क्याम्पसले कक्षा ११ को वार्षिक परीक्षा तालिका सार्वजनिक गरेको छ । आइतबार सार्वजनिक गरिएको तालिकाअनुसार आगामी जेठ ७ गतेदेखि परीक्षा सञ्चालन हुनेछ । जेठ १८ गते बिहिबारसम्म सञ्चालन हुने परीक्षा बिहान ७ बजेबाट सुरु हुनेछ ।
विज्ञान, वाणिज्य, मानविकी र शिक्षाशास्त्र संकायमा पठनपाठन हुने मकवानपुर बहुमुखी क्याम्पसमा कक्षा ११ मा १ हजार ३ सय २६ जना विद्यार्थी अध्ययनरत छन् । कक्षा ११ को परीक्षा विद्यालय तथा क्याम्पस आफैंले आन्तरिक रुपमा लिने व्यवस्था छ ।
