हेटौंडाः हेटौंडा १० बसपार्कबाट बिहीबार बिहान ६ बजेर १५ मिनेटको समयमा लागूऔषध गाँजासहित दुई महिलालाई प्रहरीले नियन्त्रणमा लिएको छ । सर्लाही जाने बसमा चढ्न लागेको क्रममा चितवन जिल्लाको राप्ती नगरपालिका–९ बस्ने अन्दाजी ४० वर्षीया टेकमाया गुरुङ र सोही स्थानमा बस्ने अन्दाजी ३१ वर्षीया अस्मिता प्रजालाई प्रहरीले नियन्त्रणमा लिएको हो ।
प्रहरीले गुरुङ र प्रजामाथि शंका लागि सुरक्षा जाँच गर्दा पछाडी भिर्ने कालो झोलामा लुकाई छिपाई लाँदै गरेको लागूऔषध गाँजा २१ किलो फेला पारेको थियो । लागूऔषधसहित उनीहरुलाई नियन्त्रणमा लिई जिल्ला प्रहरी कार्यालय मकवानपुर लगेर अनुसन्धान गरी रहेको प्रहरीले जनाएको छ ।
