हेटौंडाः सरस्वती पूजाका दिन बिहीबार हेटौंडा–११, डाङ्डुङ्गेमा रहेको मामाघर नेपाल मकवानपुरलाई खाद्यान्न तथा स्टेशनरी सहयोग गरिएको छ । संयुक्त मधेसी युवा समिति नेपाल मकवानपुरले सडक बालबालिकाको क्षेत्रमा काम गर्दै आइरहेको मामाघरलाई खाद्यान्न तथा स्टेशनरी सामग्री सहयोग गरेको हो ।
२ बोरा चामल, १ कार्टुन तेल, १ थान इलेक्ट्रोनिक जग, १ बट्टा ग्लुकोज, २ दर्जन बिस्कुट, १ कार्टुन चाउचाउ, ३ प्याकेट फुरनदाना, ३ प्याकेट चिउरा, १ क्रेट गोलभेँडा, २ क्रेड अण्डा, ५ थान चेस, १५ थान पुस्तक, ४ थान कलम सहयोग गरेको मामाघर नेपालले जनाएको छ । संयुक्त मधेसी युवा समिति नेपाल मकवानपुरका पदाधिकारीहरु मुकेश बानियाँ, रुपककुमार वर्णवाल, पंकज दास, कृष्ण साह, राहुल दास, बिक्रम दासको उपस्थितिमा मामाघर नेपाल मकवानपुरलाई सहयोग प्रदान गरिएको छ ।
