हेटौंडाः मकवानपुरको बागमती गाउँपालिका-१ बोटगाउँ लालभित्तमा घाँस झार्ने क्रममा रुखबाट लडी एक जनाको मृत्यु भएको छ । अन्दाजी ५५ वर्षीय सन्तबिर सिंतानले घर नजिक बारीमा रहेको असनको रुखबाट घाँस झार्ने क्रममा लड्न गई ढाड, शरिरको बिभिन्न भागमा चोट लागेर गम्भिर घाईते भएका थिए ।
बिहीबार बिहान ११ बजेर ४० मिनेटको समयमा घटना भएको खबर प्राप्त हुनासाथ प्रहरी चौकी शिवराईगाउँबाट प्रहरी सहायक निरीक्षकसहितको टोली घटनास्थलमा पुगेको थियो । उपचारको लागि २ बजे हेटौंडा अस्पताल ल्याएकोमा २ बजेर १० मिनेटको समयमा मृत्यु भएको प्रहरीले जनाएको छ ।
