हेटौंडाः मकवानपुर प्रहरीले लागुऔषध गाँजासहित दुई जनालाई पक्राउ गरेको छ । पक्राउ पर्नेमा मनहरी गाउँपालिका–८ का ४२ वर्षीय राज कुमार प्रजा र सोही ठाउँका ४५ वर्षीय जित बहादुर मगर रहेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
शुक्रबार राति १० बजेर २० मिनेटको समयमा मनहरी गाउँपालिका–८ दारिमबासस्थित इलाका प्रहरी कार्यालय मनहरीबाट प्रहरी निरीक्षक कृष्णराज ढकालको कमाण्डमा खटिएको टोलीले प्रजा र मगरलाई शंका लागि सुरक्षाजाँच गर्दा उनीहरुले लुकाई ल्याएको लागुऔषध गाँजा २१ किलो फेला पारेको प्रहरीले जनाएको छ । लागुऔषध गाँजासहित दुई जनालाई नियन्त्रणमा लिएर थप अनुसन्धान गरिरहेको जनाएको छ ।
