हेटौंडाः करेन्ट लागेर आइतबार हेटौंडामा एकजना पुरुषको मृत्यु भएको छ । बाँके जिल्ला पैजापुर गाँउपालिका ४ घर भई हाल हेटौंडा–१४ स्थित मकवानपुर कन्ट्रक्सन प्रालिमा मजदुरी गर्ने ३० वर्षीय ओमप्रकाश थारुको मृत्यु भएको जिल्ला प्रहरी कार्यालय मकवानपुरले जानकारी दिएको छ ।
कन्ट्रक्सनमा मोटर लगाइ ईनार खन्ने क्रममा अचानक विद्युत सर्ट हुँदा बेहोस भएका थारुलाई उपचारका लागि हेटौंडा अस्पताल पुर्याइएको प्रहरीले जनाएको छ । उपचारका क्रममा उनलाई १ बजेर ३६ मिनेटको समयमा डाक्टरले मृत घोषणा गरेको प्रहरीले जनाएको छ ।
