हेटौंडाः प्रतिनिधिसभा तथा प्रदेशसभा निर्वाचनको मतदान कार्य सुरु भएको छ । आज बिहान ७ बजेबाट मतदान कार्य सुरु भएको हो । बिहानै मतदाताहरु मतदान स्थल पुगेर मतदान गर्न लाइनबद्ध भएका छन् ।
मतदाता परिचयपत्र, नागरिकता लिई मतदाताहरु आफ्नो उम्मेदवारलाई मतदान गर्न तयार भएका छन् । मकवानपुर जिल्लामा दुई वटा प्रतिनिधिसभा र चार प्रदेशसभा निर्वाचनमा कुल ३ लाख ७ सय ३३ जना मतदाता रहेका छन् । मतदान कार्य साँझ ५ बजेसम्म हुनेछ । मतदान स्थल र वरिपरिका क्षेत्रमा सुरक्षा व्यवस्था कडा बनाईएको छ ।
