हेटौंडाः अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी) हेटौंडा क्याम्पस कमिटीको अध्यक्षमा निश्चल रसाईली सर्वसम्मत चयन हुनुभएको छ । मंगलबार चौथौं इकाई सम्मेलनबाट रसाईलीको नेतृत्वमा २१ सदस्यीय कार्यसमिति सर्वसम्मत चयन गरिएको हो ।
कमिटीको उपाध्यक्षमा चमेली भोम्जन, सचिवमा रोशनी आलेमगर, सहसचिवमा ज्योति पुडासैनी, कोषाध्यक्षमा रोजिता महर्जन चयन हुनुभएको छ । कमिटीका अध्यक्ष रसाईलीको सभाध्यक्ष तथा नेकपा माओवादी केन्द्र बागमती प्रदेशका उपाध्यक्ष प्रेमबहादुर पुलामीको प्रमुख आतिथ्यमा कार्यक्रम भएको हो । कार्यक्रममा लिलाकुमार घलान, नमूना पाण्डे, आकाश पाख्रिन, श्रवण बर्तौला, शंकर घिमिरे लगायतको उपस्थिति थियो ।
