हेटौंडाः अखिल नेपाल राष्ट्रिय स्वतन्त्र विद्यार्थी युनियन हेटौंडा उपमहानगरपालिका कमिटीमा नवराज पौडेल सर्वसम्मत चयन हुनुभएको छ । शुक्रबार कमिटीको प्रथम सम्मेलनबाट पौडेलको नेतृत्वमा ३७ सदस्यीय कार्यसमिति सर्वसम्मत चयन गरिएको हो ।
कार्यसमितिको उपाध्यक्षमा सिद्धान्त पुडासैनी, सचिवमा सागर गौतम, सहसचिवहरुमा मिलन गोङ्वा, प्रकृति अर्याल, आदर्श पौडेल र कोषाध्यक्षमा सन्देश गौतमलाई चयन गरिएको छ । अन्य ३० जना सदस्यहरु सर्वसम्मत चयन भएका छन् । कार्यक्रममा नगर कमिटीका पूर्व अध्यक्षहरु ईश्वर ढुङ्गाना, रिपेश दाहाल, शेखर थापलिया, शिवहरी दाहाल, सन्तोष पौडेल र कुमार केसीलाई कदर पत्रसहित सम्मान गरिएको छ ।
कार्यक्रम नगर कमिटीका संयोजक नवराज पौडेलको सभाध्यक्ष तथा अनेरास्ववियु केन्द्रीय कमिटीका महासचिव समीर बडालको प्रमुख आतिथ्यमा भएको हो ।
