हेटौंडाः मकवानपुरका पत्रकारहरुले होली तथा फागू पर्व आज बिहिबार मनाएका छन् । नेपाल पत्रकार महासंघ मकवानपुरको आयोजनामा होली विशेष शुभकामना आदानप्रदान कार्यक्रम भएको छ । कार्यक्रममा मकवानपुरका पत्रकारहरुले एकआपसमा रंग लगाएर शुभकामना आदानप्रदान गरेको हो ।
नेपाल पत्रकार महासंघ मकवानपुरका अध्यक्ष मणिराज गौतमको सभाध्यक्ष तथा नेपाल पत्रकार महासंघ बागमती प्रदेशका अध्यक्ष शिव देवकोटाको प्रमूख अतिथ्यमा कार्यक्रम भएको हो । असत्यमाथि सत्यको विजयी भएको खुसीयालीमा होली पर्व मनाउने गर्दछ । कार्यक्रममा राममणि दाहाल, प्रकाश दाहाल र रामकुमार एलन लगायत मकवानपुरका सञ्चारकर्मीहरुको उपस्थिती रहेको थियो ।
