हेटौंडाः नेपाल जेसीजको ४८ औं महाधिवेशनमा हेटौंडाकी रश्मि बस्नेत राष्ट्रिय उपाध्यक्ष पदमा निर्वाचित हुनुभएको छ । पोखरा जेसीजको आतिथ्यमा भएको महाधिवेशन अन्तर्गत उपाध्यक्ष पदमा एक मात्र महिलाको रुपमा उम्मेदवारी दिनुभएको बस्नेतले पाँचौं सर्वाधिक मत ल्याएर विजयी हुनुभएको हो । नेपाल जेसीजको अध्यक्षमा लालमणि भण्डारी चयन हुनुभएको छ ।
१२ जना उपाध्यक्षका लागि १९ जना उम्मेदवारहरुका बीच प्रतिस्पर्धा भएको थियो । मतदानमा कुल १ हजार २ सय ६८ मत खसेको थियो भने बस्नेतले ९ सय ३३ मत प्राप्त गर्नुभएको थियो । राष्ट्रिय उपाध्यक्षमा निर्वाचित बस्नेत हेटौंडा लेडी जेसीज वर्ष २०१२ को अध्यक्ष हुनुहुन्थ्यो भने वर्ष २०२१ को प्रमुख सल्लाहकार रहनुभएको थियो ।
