हेटौंडाः मकवानपुर फर्निचर व्यवसायी संघको १५ औं वार्षिक साधारण सभा तथा अधिवेशन हेटौंडामा भएको छ । शनिबार विहान संघका अध्यक्ष गोकुल श्रेष्ठको सभाध्यक्षतामा भएको कार्यक्रममा नेपाल फर्निचर तथा फर्निसिङ व्यवसायी महासंघका अध्यक्ष रामप्रसाद न्यौपानेको प्रमुख आतिथ्यता रहेको थियो ।
कार्यक्रममा उत्कृष्ट व्यवसाथीको रुपमा फर्निचर व्यवसायी गोपाल बहादुर ढकाललाई कदरपत्रसहित सम्मान गरिएको छ । यस्तै संघका अध्यक्ष श्रेष्ठले आफ्नो कार्यकालमा आवश्यक साथ र सहयोग प्रदान गरेको भन्दै वयवसायीहरु कृष्ण अर्याल, हरि प्रसाद ढकाल, कृष्ण प्रसाद न्यौपानेलाई सम्मान गर्नुभएको थियो । शनिबार नै संघको ५ औं अधिवेशन पनि हुने जनाइएको छ । संघको नयाँ कार्यसमिति निर्माणको लागि सकेसम्म सर्वसम्मत नेतृत्व चयन गरिने अध्यक्ष श्रेष्ठले बताउनुभयो ।
कार्यक्रममा मकवानपुर उद्योग वाणिज्य संघका बरिष्ठ उपाध्यक्ष अनिल अग्रवाल, बस्तुगत तर्फका उपाध्यक्ष राजु अधिकारी, नेपाल फर्निचर तथा फर्निसिङ व्यवसायी महासंघका सदस्यद्वय हरि प्रसाद शर्मा, सुस्मा लटौला, संघका सल्लाहककार तथा निबर्तमान अध्यक्ष शम्भु प्रसाद ढकाललगायतकाको आतिथ्यता रहेको थियो ।
