हेटौंडाः मकवानपुर प्रहरीले लागूऔषध गाँजासहित मनहरी गाउँपालिकाका २ जनालाई पक्राउ गरेको छ । शुक्रबार मनहरी–५ स्थित जयसिंह खोलाको किनारबाट ४४ किलो गाँजासहित २ जनालाई पक्राउ गरिएको जिल्ला प्रहरी कार्यालय मकवानपुरले जनाएको छ ।
पक्राउ पर्नेमा मनहरी–५ डिल्लीपुर बस्ने २४ बर्षीय रामचन्द्र मोक्तान र २२ बर्षीय अर्जुन लो रहेका छन् । शुक्रबार बिहान ५ बजे उनीहरुले बोकेर ल्याएको भारी सुरक्षाजाँच गर्ने क्रममा गाँजा फेला परेपछि उनीहरुलाई गाँजासहित पक्राउ गरिएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायब उपरीक्षक जयश्वर रिमालले जानकारी दिनुभयो ।
