हेटौंडाः मकवानपुर प्रहरीले १०४ किलो लागुऔषध गाँजासहित मकवानपुरगढी–८ का ४१ बर्षीय अम्बर बहादुर घिसिङलाई पक्राउ गरेको छ । उनी मङ्गलबार थाहा नगरपालिका–३ बाट पक्राउ परेको जिल्ला प्रहरी कार्यालय मकवानपुरले जनाएको छ ।
प्रहरीले मंगलबार थाहा नगरपालिका–३ दोबाटो स्थित सडकखण्डमा डाँडाखर्कबाट शिखरकोटतर्फ जाँदै गरेको ना ७ ख ७६६४ नम्बरको मिनि ट्रकलाई रोकी सुरक्षाजाँच गर्दा ट्रकमा लुकाई छिपाई ल्याइएको लागूऔषध गाँजा १०४ किलो फेला पारेको थियोे ।
प्रहरीले ट्रक चालक अम्बर बहादुर घिसिङलाई पक्राउ गरेको हो । घिसिङलाई हिरासतमा राखी थप अनुसन्धान गरिरहेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभएको छ ।
