हेटौंडाः मकवानपुर प्रहरीले लागूऔषध २७ एम्पुलसहित २ जनालाई पक्राउ गरेको छ । मङ्गलबार दिउँसो १ बजेको समयमा हटौंडा–१० स्थित प्रहरी चौकी बसपार्कबाट खटिएको प्रहरीले पूर्व–पश्चिम लोकमार्गमा बीरगंजबाट चितवनतर्फ जाँदै गरेको प्रदेश ना ५ ३९४३ नम्बरको बसलाई रोकेर सुरक्षाजाँच गर्दा दुईजनाको साथमा लागुऔषध फेला पारेकोे होे ।
पक्राउ पर्नेमा चितवन जिल्लाको रत्ननगर नगरपालिका–१० बस्ने ३२ बर्षीय दमन थापा र चितवन जिल्लाको रत्ननगर नगरपालिका–७ का ३० बर्षीय विनोद चौधरी रहेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिनुभयो ।
प्रहरीले दमन थापाकोे साथबाट लागूऔषध फेनार्गन ९ एम्पुल, डाइजेपाम ७ एम्पुल र नुर्फिन ९ एम्पुल गरी २७ एम्पुल लागुऔषध फेला परेको हो । प्रहरीले थापाको साथी विनोद चौधरीलाई पनि नियन्त्रणमा लिएको छ । पक्राउ गरेको २ जनासहित लागूऔषध नियन्त्रणमा लिई थप अनुसन्धान गरिरहेको प्रहरी प्रवक्ता जयश्वर रिमालले जानकारी दिनुभयो ।
