हेटौंडाः मकवानपुरमा ४४ जनामा कोभिड–१९ संक्रमण पुष्टि भएको छ । बुधबार दिउँसो १२ बजे हेटौंडा उपमहानगरपालिकाको आयूर्वेद तथा जनस्वास्थ्य प्रवर्धन शाखाले सार्वजनिक गरेको तथ्यांकअनुसार मंगलबार स्वाब संकलन भएको ९१ जनामध्ये ४४ जनामा संक्रमण पुष्टि भएको हो ।
४३ जनाको पिसिआर परीक्षण गर्दा र एक जनाको एन्टिजेन परीक्षण गर्दा पोजेटिभ देखिएको हेटौंडा उपमहानगरपालिकाका जनस्वास्थ्य निरीक्षक भोला चौलागाईले जानकारी दिनुभयो ।
संक्रमण पुष्टि भएको ४४ मध्ये मकवानपुरको राक्सिराङ, भीमफेदी र बकैयाँका १/१ जना छन् । यस्तै २ जनाको एन्टिजेन परीक्षण गर्दा एक जनामा कोभिड पुष्टि भएको थियो ।
