हेटौंडाः लायन्स क्लब अफ हेटौंडा भुटनदेवी र लायन्स क्लब अफ हेटौंडा भुटनदेवी पर्लको संयुक्त आयोजनामा हेटौंडा–१४, बँदेलधापस्थित सुप्रभात आधारभूत विद्यालयका ३८ जना विद्यार्थीलाई व्याग वितरण गरिएको छ । सोमबार विद्यालयमै पुगेर लायन्स क्लबले सहयोग हस्तान्तरण गरेको हो ।
लायन्स क्बल अफ हेटौंडा भुटनदेवी पर्लका अध्यक्ष शरदमुनि शाक्यको अध्यक्षता तथा लायन्स क्लब इन्टरनेशनल ३२५ बी २ का जोन चेयर पर्सन निलम वैद्यको प्रमुख आतिथ्यमा व्याग वितरण कार्यक्रम भएको थियो । कार्यक्रममा लायन्स क्लब अफ हेटौंडा भुटनदेवीकी अध्यक्ष पुष्पा भट्ट, विद्यालयकी प्रधानाध्यापक सीता तिवारीको पनि सहभागिता रहेको थियो ।
