हेटौंडाः हेटौंडामा आज राजसंस्थाको नारा लाउँदै बृहत गाडि तथा मोटरसाइकल र्यालि भएको छ । २०४७ को संबिधान पुनः स्थापना अभियानको संयोजकत्वमा शिव सेना नेपाल, नेपाल हिन्दु समाजलगायत सम्पूर्ण स्वतन्त्र युवाहरुले स्वस्फुर्त रुपमा हेटौंडामा गाडि तथा मोटरसाइकल र्याली गरिएको थियो ।
विभिन्न जिल्लाहरुबाट आएका सहित करिब १ हजार मानिसहरुको उपस्थिति भएको र्यालीले हाम्रो राजा हाम्रो देश, प्राण भन्दा प्यारो छ, गणतन्त्र मुर्दाबाद, २०७२ को नेपालको संविधान खारेज गर लगायतका नारा लगाएर हेटौंडा परिक्रमा गरेको छ । हेटौंडाको हुप्राचौर बाट सुरु भएको र्याली, बसपार्क, राप्तिरोड, बुद्धचोक, नगरपालिका हुँदै सिमा चोकमा पुगेर कोणसभामा परिणत भई सम्पन्न भएको थियो ।
